THE THINKING OF FUTURE
BİZ DÜNYA SİYASƏTİNİN BÜTÜN SİRLƏRİNİ AÇIRIQ

Karlov sui-qəsdi: Yaxın Şərqdə geosiyasi dönüş nöqtəsidirmi?

Karlov sui-qəsdi: Yaxın Şərqdə geosiyasi dönüş nöqtəsidirmi?
27 dekabr 2016

Rusiyanın Türkiyədəki səfiri Andrey Karlovun qətlə yetirilməsi ciddi geosiyasi rezonans doğurub. Hadisənin qınanılması gözləniləndir. Heç bir ölkə belə faciələrin olmasını istəməz. Çünki hər bir dövlətin diplomatı var və ona qarşı terrorun baş verməsi qəbuledilməzdir. Konkret olaraq Türkiyə diplomatiyası erməni terroruna çoxlu sayda qurban verib. İndi A.Karlovun qətli səbəblərinin aydınlaşmasında hamıdan çox Ankaranın da marağı vardır. Məsələnin digər tərəfi Yaxın Şərqdə geosiyasi mübarizənin amansızlığı ilə bağlıdır. Bu terror hadisəsindən sonra Rusiyanın müdafiə naziri S.Şoyqu bəyan etdi ki, Hələbin azad edilməsində Türkiyənin böyük rolu olub. Moskvada xarici işlər nazirləri S.Lavrov, M.Çavuşoğlu və M.C.Zərif arasında danışıqların uğurlu olması bu baxımdan çox maraqlıdır. Bu, Yaxın Şərqlə bağlı Rusiyanın yeni koalisiya yaratması deməkdirmi? Və bu üçlük ABŞ-ın formalaşdırdığı beynəlxalq koalisiya ilə hansı münasibətlərdə olacaq? Axı Türkiyə həm də Amerikanın yaratdığı koalisiyanın üzvüdür!

Keçmiş prezidentin etirafları: Ermənistan uçurum qarşısında

Keçmiş prezidentin etirafları: Ermənistan uçurum qarşısında
26 dekabr 2016

Ermənistanın keçmiş prezidenti Levon Ter-Petrosyan rəhbərlik etdiyi Milli Konqresin qurultayındakı çıxışında bir sıra geosiyasi məsələlərə toxunub. O, indiki mərhələdə Ermənistanın dövlət və cəmiyyət olaraq ciddi problemlərlə üz-üzə qaldığını söyləyib. Bunun əsas səbəbi isə İrəvanın yeritdiyi yarıtmaz xarici siyasətdir. Onun sözlərinə görə, son 18 ildə ölkə yalnız tənəzzülə doğru gedib. Faktiki olaraq erməni dövlətçiliyi fəlakət qarşısındadır. Onun bu prosesi dayandırmaq gücü isə yoxdur. Burada L.Ter-Petrosyan bir sıra arqumentlər gətirir. Onlardan aydın olur ki, bütövlükdə Ermənistan dövlət quruculuğu strategiyasını düzgün seçə bilməyib. Bunun fonunda isə keçmiş prezident Azərbaycan rəhbərliyinin rasional siyasət apardığını açıq etiraf edir, Bakı ilə kompromis əsasında razılaşmaqdan başqa yolun qalmadığını ifadə edir. Həmin fikirlər kontekstində L.Ter-Petrosyanın çıxışı üzərində dayanmaq olar.

Ruhani İrəvanda: İran-Ermənistan münasibətlərində yeni mərhələ?

Ruhani İrəvanda: İran-Ermənistan münasibətlərində yeni mərhələ?
23 dekabr 2016

İranın dövlət başçısı Həsən Ruhaninin Ermənistana səfəri ilə bağlı müxtəlif təhlillər aparılır. Erməni mətbuatı əldə edilən razılaşmalardan pafoslu şəkildə yazır. Ancaq bütövlükdə dərc edilən yazılara təhlili yanaşdıqda, burada qərəzliliyin olduğunu da görmək mümkündür. İranla Ermənistan arasında bir neçə sənəd imzalanıb. Tərəflər əlaqələri daha da inkişaf etdirmək niyyətindən danışırlar. O cümlədən regional xarakterli layihələrin reallaşdırılmasından bəhs edilir. Bütün bunlar erməni ekspertlər tərəfindən nədənsə anti-Azərbaycan və anti-Türkiyə isteriyası kontekstində təqdim olunur. Sanki İran Azərbaycan və Türkiyəyə qarşı olan əməkdaşlıq formatına üstünlük verməyə başlayıb. Ermənilərin bu cür davranışı gözləniləndir, çünki onlar heç zaman obyektiv düşünməyiblər. Bununla yanaşı, reallıq da göstərir ki, İran-Azərbaycan münasibətləri yüksək səviyyədədir və hansısa qarşıdurmadan söhbət gedə bilməz. Hər iki ölkənin rəhbərliyi əməkdaşlığı inkişaf etdirməkdə qətiyyətlidirlər. Bu məsələlərin geosiyasi təhlili maraqlı olardı.

İranda İsrail baş nazirinin Azərbaycana səfərinə etirazlar haqqında

İranda İsrail baş nazirinin Azərbaycana səfərinə etirazlar haqqında
22 dekabr 2016

İran İslam Respublikasında İsrailin baş naziri Benyamin Netanyahunun Azərbaycana işgüzar səfəri ilə bağlı etirazlar dekabrın 12-də də davam etmişdir. Bununla bağlı məlumatlar İran mətbuatında geniş şəkildə işıqlandırılmaqdadır. Eyni zamanda, Azərbaycanda bu səfərə etiraz edən müəyyən qüvvələr haqqında informasiyalara da İran mətbuatında yer ayrılır. Məsələn, rəsmi İRNA agentliyi Azərbaycan İslam Partiyasının bir qrup üzvünün Xarici İşlər Nazirliyinin qarşısına toplaşması və etiraz qətnaməsini Nazirliyə təqdim etməsi barədə məlumat yaymışdır. Agentlik həmçinin Netanyahunun Bakıya gəlişinə etiraz olaraq İran Astarasında keçirilən aksiyanı da işıqlandırmışdır.

ABŞ: vasitəçi, yoxsa təxribatçı?

ABŞ: vasitəçi, yoxsa təxribatçı?
21 dekabr 2016

Amerika SSRİ-nin süqutundan sonra təkqütüblü dünyanın hakimi rolunu oynayır. Əlbəttə, hələlik bu dövlətin iqtisadi, siyasi və hərbi gücünə çatan başqa bir dövlət yoxdur. ABŞ-ın 2017-ci il hərbi büdcəsi 582.7 milyard dollardır ki, bu da G8 dövlətlərinin tamamının hərbi büdcəsindən çoxdur. Ehtimal edilir ki, ABŞ beynəlxalq terrorizmlə mübarizə üçün hərbi büdcəsini bir az daha artıra bilər. ABŞ-ın eyni zamanda siyasi və hərbi olaraq da dünyanın hər yerində cərəyan edən hadisələrə müdaxilə etmək imkanı vardır və bu imkanlarından mütəmadi olaraq istifadə edir. Dünyanın hakimi rolunda çıxış edən ABŞ-ın ədalət anlayışı və beynəlxalq hüquq prinsiplərinə riayət prinsipi isə demək olar ki yoxdur.

Rusiya: 2035-ci ilədək mümkün sosial-iqtisadi inkişaf ssenariləri

Rusiya: 2035-ci ilədək mümkün sosial-iqtisadi inkişaf ssenariləri
20 dekabr 2016

Şimal qonşumuzun analitik mərkəzləri ölkənin 20 illik inkişaf variantları ilə bağlı bir neçə hesabat-proqnoz sənədləri hazırlayıblar. Burada rəsmi, müstəqil və müxalif mövqeli analitik təşkilatların təhlilləri yer alıb. Rusiyanın İqtisadi İnkişaf Nazirliyi 3 transformasiya ssenarisini təqdim edib. Onların hər birində nəticələr bir qədər fərqlidir. Ancaq heç birində proqnozlar nikbin deyil. Ölkənin davamlı inkişaf xəttində qalacağı barədə də qənaət yoxdur. Keçmiş maliyyə naziri A.Kudrinin analitik mərkəzi isə bir qədər fərqli proqnozlar verib. Onlar İqtisadi İnkişaf Nazirliyindən fərqli olaraq, Rusiya iqtisadiyyatında köklü islahatları nəzərə almağa çalışıblar. Bu halda belə gəlinən nəticələr rəsmi orqanların verdikləri vədlərlə üst-üstə düşmür. A.Kudrinə görə, inkişaf templəri sürətli olmayacaq. Nəhayət, müxalif A.Navalnının analitik təşkilatı daha bədbin ssenari hazırlayıb. Orada Rusiyanın hələlik iqtisadi ziddiyyətlər içində qalacağı vurğulanır. Bütün bunlar böyük dövlət olan Rusiyanın yaxın gələcəyi ilə bağlı hansı nəticələri çıxarmağa imkan verir?

Erməni separatizminin xəstə təxəyyülü: faşistlərin kölə nəvələri

Erməni separatizminin xəstə təxəyyülü: faşistlərin kölə nəvələri
19 dekabr 2016

Aprel döyüşlərində Ermənistan ordusunun aldığı ağır zərbə rəsmi İrəvanın psixoloji vəziyyətini elə pozub ki, hələ də reallıq hissindən uzaqdadır. Azərbaycanın bütün istiqamətlərdə dövlət olaraq əldə etdiyi nailiyyətlər bu prosesi daha da dərinləşdirməkdədir. Ölkə başçısı İlham Əliyevin Ağdam və Tərtər rayonlarına səfəri zamanı bu il aprelin əvvəllərində ermənilərin atəşləri nəticəsində qoşunların təmas xəttinə yaxın olan yaşayış məntəqələrində dağıdılmış evlərin bərpası və yenilərinin tikintisi ilə əlaqədar ifadə etdiyi fikirlər erməniləri təlaşa salıb. Onlar Azərbaycanın cəbhə bölgəsində sürətlə quruculuq işlərini aparmasına quldur psixologiyası ilə reaksiya verib, müxtəlif böhtanlar atıb, özlərindən uydurma şeylər danışıblar. Bunlar Ermənistan rəhbərlərinin hələ də xəyal dünyasında qaldığını, regionda geosiyasi aspektdə müsbət heç bir iş görə bilmədiklərini göstərir.

Netanyahu Azərbaycanda: perspektivli əməkdaşlıq və narahat olan dairələr

Netanyahu Azərbaycanda: perspektivli əməkdaşlıq və narahat olan dairələr
16 dekabr 2016

İsrailin Baş naziri Benyamin Netanyahunun Azərbaycana ikinci səfəri geniş rezonans doğurub. Bunu iki istiqamətdə müşahidə etdik. Birincisi, ölkələr arasında əməkdaşlıq keyfiyyətcə yeni səviyyəyə yüksəlir. İqtisadi əlaqələrin genişləndirilməsi ilə bağlı xüsusi komissiya yaradılır. Bundan başqa, müxtəlif sferalarda əməkdaşlığın inkişaf etdirilməsinə dair konkret sənədlər imzalanıb. İkincisi, bəzi dairələr bu yaxınlaşmadan narahatlıqlarını gizlətmədilər. Xüsusilə Ermənistan özünə qarşı təhlükələrin meydana gələ biləcəyini ifadə etdi. Çox təəssüf ki, qonşu və dost İranda da bəzi şəxslər Azərbaycan-İran münasibətlərinin ruhuna zidd olan fikirlər söylədilər. Bütün bunların fonunda İsrail-Azərbaycan münasibətlərinin gələcəyi ilə bağlı müəyyən analitik fikirlər söyləməyə ehtiyacın olduğunu düşünürük.

Qlobal geosiyasət və təhlükəsizlik: maliyyə böhranı fonunda dəyişikliklər

Qlobal geosiyasət və təhlükəsizlik: maliyyə böhranı fonunda dəyişikliklər
15 dekabr 2016

Milli valyutaların ABŞ dollarına nisbətən dəyərdən düşməsi müxtəlif sahələrə təsir edir. İnsanların həyat səviyyəsi aşağı düşür, bir sıra ölkələrdə inflyasiya dərinləşir. Bu vəziyyətdən çıxış yolu axtarılır. O cümlədən Türkiyə Rusiya və Çinlə ticarəti milli valyuta ilə aparmaq qərarına gəlib. Mütəxəssislər bu dəyişikliyin geosiyasi dinamikaya ciddi təsir edə biləcəyini vurğulayırlar. Bu hadisələrin fonunda Yaxın Şərqdə hərbi durum da daha gərgin və dramatik hal alır. Suriyada vəziyyət xeyli qarışıb. Burada müharibə şiddətlənir, tərəflər arasında amansız toqquşmalar baş verir. Digər yandan isə İraqda İŞİD-lə mübarizə güclənir. Lakin orada həm də terror qruplarından bəziləri əlavə güc alırlar. Bütün bunlar regionun geosiyasi mənzərəsini kifayət qədər mürəkkəbləşdirir. Bəs onların nəticəsi necə ola bilər?

Türkiyənin yeni sınağı: terror, geosiyasət və islamofobiya

Türkiyənin yeni sınağı: terror, geosiyasət və islamofobiya
14 dekabr 2016

İstanbulda növbəti dəfə qan töküldü. Günahsız insanlar həyatını itirdi. Terror amansız şəkildə dinc adamlara kədər gətirdi. Qardaş ölkə bütövlükdə qətliamlara qarşı yenidən birləşdiyini nümayiş etdirdi. Ölkə rəhbərliyi inkişaf paradiqmasını həyata keçirməkdə qərarlı olduğunu və bunun üçün lazım olan hər bir fədakarlığı göstərməyə hazırlığını bir daha bəyan etdi. Dost dövlətlər də türk xalqına başsağlığı verdilər. Azərbaycan Prezidenti dərin kədər hissini ifadə etdi. Ekspertlər baş verən hadisəni geosiyasi kontekstdə qiymətləndirməyə meyllidirlər. Prezident Rəcəb Tayyib Ərdoğan bildirib ki, söhbət bır sıra dairələrin Türkiyəyə qarşı apardıqları natəmiz oyundan gedir. Aksiyanı birbaşa həyata keçirənlər onların əmr qullarıdırlar. Ankara məsələni kökündən həll etməkdə qərarlıdır. Onu öz yolundan heç kəs döndərə bilməz. Bütün bunların fonunda son terror hadisəsinin hansı geosiyasi proseslərə rəvac verə biləcəyi məsələsi aktual görünür. Bununla bağlı təhlillər aparmaq zərurəti mövcuddur.

Azərbaycanın xarici ölkələrdəki diplomatik nümayəndəlikləri twitterdə

Yeni layihə

Xarici mətbuat

We are returning to a world of great-power rivalry
19 oktyabr 2016 The Financial Times

We are returning to a world of great-power rivalry

The US unipolar era lasted less than 25 years, undone by war and financial crisis

Davamı...
Musul Operasyonu: "Topyekûn Muamma"dan "Topyekûn Savaş"a...
17 oktyabr 2016 Milli Gazete

Musul Operasyonu: "Topyekûn Muamma"dan "Topyekûn Savaş"a...

Şimdiden şu söylenebilir: Musul, İslam dünyasının önüne atılmış büyük bir tuzak.

Davamı...