THE THINKING OF FUTURE
BİZ DÜNYA SİYASƏTİNİN BÜTÜN SİRLƏRİNİ AÇIRIQ

Avropa İttifaqı: yeni inteqrasiya təklifləri

Avropa İttifaqı: yeni inteqrasiya təklifləri
05 oktyabr 2017

Avropa Komissiyasının sədri Jan-Klod Yunker Strasburqda təşkilatın taleyi ilə bağlı yeni təkliflər irəli sürüb. Ekspertlər onun təkliflərini analiz etməkdədirlər. Həmin tezislərdə Aİ-nin faktiki olaraq yeni inteqrasiya fəlsəfəsini işləməli olduğu vurğulanıb. Aİ-də bir tərəfdən, parçalanma prosesinin güclənməsindən narahatdırlarsa, digər tərəfdən, kənardan olan ciddi təhlükələrdən ehtiyatlanırlar. Təsadüfi deyil ki, J.-K.Yunkerin təkliflərində kibertəhlükəsizlik önəmli yer tutur. Onun diqqət yetirdiyi digər məqamlar da vardır. Lakin analitikləri daha çox Avropa Komissiyası sədrinin başlıca məqsədinin nədən ibarət olduğu düşündürür. Məsələnin bu tərəfi heç də tam aydın deyil. Bir sıra ziddiyyətlər özünü göstərir ki, onlar da Aİ üçün gələcəkdə daha ciddi problemlər yarada bilər. Bu mənada J.-K.Yunkerin təkliflərinin müsbət cəhəti ilə yanaşı, qüsurlarını da vurğulamaq gərəkdir. Onun irəli sürdüyü tezislərin geosiyasi aspektdə təhlili maraqlı olardı.

Moskva-Bakı oxu: Avrasiyada yeni geosiyasi konfiqurasiya

Moskva-Bakı oxu: Avrasiyada yeni geosiyasi konfiqurasiya
02 oktyabr 2017

Qlobal miqyasda gedən geosiyasi proseslər Cənubi Qafqaza da öz təsirini göstərir. Regionda yerləşən dövlətlərin taleyi daha da aktuallaşır. Bu baxımdan, Moskvada Azərbaycanla Rusiyanın geosiyasi tərəfdaşlığına həsr edilmiş beynəlxalq konfransın təşkili böyük önəm kəsb edir. Təşəbbüskar Rusiya tərəfidir. Tədbirdə çıxış edən rusiyalı mütəxəssislər iki ölkə arasında əməkdaşlığın bütövlükdə region üçün ciddi əhəmiyyəti olduğunu vurğulayıblar. Moskvanın tərəfdaş kimi məhz Bakını seçməsinin isə çoxlu səbəbləri vardır. Lakin onların təməlində duran əsas məqam Azərbaycan rəhbərliyinin ölkənin müasir tələblərə cavab verən müstəqil inkişaf kursunu dönmədən həyata keçirməsi ilə bağlıdır. Bu kursun əsasını Ulu öndər Heydər Əliyev qoyub. Həmin tezisdən çıxış edərək, tədbir iştirakçıları Rusiya-Azərbaycan əlaqələrinin perspektivləri ilə bağlı geniş fikir mübadiləsi aparıblar. Onların geosiyasi-nəzəri təhlili üzərində dayanmağın faydası olardı.

"Yeni əsrin müqaviləsi": "Əsrin müqaviləsi"ndən başlanan yolda növbəti zirvə

"Yeni əsrin müqaviləsi": "Əsrin müqaviləsi"ndən başlanan yolda növbəti zirvə
29 sentyabr 2017

Bu il sentyabrın 14-də Bakıda ölkəmiz üçün tarixi əhəmiyyətli bir hadisə baş verdi. Azərbaycan 6 ölkənin 11 şirkəti ilə 2050-ci ilə qədər "Azəri", "Çıraq" yataqlarının və "Günəşli" yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilib yenidən işlənmiş saziş imzaladı. Bəlkə də bir çoxları üçün gözlənilməz olan bu hadisənin, əslində, dərin kökləri vardır. 1994-cü ildə Ulu öndər Heydər Əliyevin siyasi uzaqgörənliyi, qətiyyəti və əzmkarlığı sayəsində "Əsrin müqaviləsi" imzalandı. Bununla Azərbaycan hökuməti ilə BP başda olmaqla dünyanın böyük enerji şirkətləri arasında uzunmüddətli əməkdaşlığın təməli qoyuldu. Keçən müddət ərzində əldə edilən təcrübə təsdiqləyir ki, tərəflər bir-birinə etibar edir və əməkdaşlığı davam etdirməkdə qərarlıdırlar. Həmin səbəbdən, imzalanan yeni saziş Azərbaycanın geosiyasi nüfuzunun yüksəlməsi, müstəqil dövlət quruculuğu prosesinin uğurla inkişaf etdirilməsi baxımından olduqca qiymətlidir.

Həqiqətdən çəkinənlər: belçikalı hakim və iftira kampaniyasının yeni səhifəsi

Həqiqətdən çəkinənlər: belçikalı hakim və iftira kampaniyasının yeni səhifəsi
27 sentyabr 2017

Avropanın bir sıra nəşrlərində Azərbaycana qarşı qarayaxma, ləkələmə kampaniyası, uydurmalar və iftiralar davam edir. İndi Belçikanın iki qəzeti qərəzli yazılar dərc edir. Həmin yazılarda Belçika Konstitusiya Məhkəməsinin hakimlərindən biri olan Jan-Pol Murman Azərbaycanla bağlı dediyi həqiqətə görə ittiham edilir. Avropanın KİV orqanları qəribə bir məntiqsizliklə J.-Pol Murmanı azərbaycanpərəst olmaqda günahlandırırlar. Onlar bu hakimin Xocalı soyqırımı, Ermənistanın təcavüzü və dünya ictimaiyyətinin laqeyd münasibəti ilə ilgili söylədiyi doğru fikirləri obyektiv qiymətləndirə bilmirlər. Sanki Qərbdə belə bir eyforiya vardır ki, Azərbaycanla əlaqəli müsbət nə deyilsə, təkzib olunsun. Bu isə heç bir hüquqi və mənəvi çərçivəyə sığmır. Bununla bağlı müəyyən analizlər aparmaq ehtiyacı yaranıb.

"Yeni soyuq müharibə": təhlükə realdırmı?

"Yeni soyuq müharibə": təhlükə realdırmı?
26 sentyabr 2017

Mütəxəssislər dünyada geosiyasi mənzərənin mürəkkəbləşdiyini yekdilliklə etiraf edirlər. Bu prosesdə ABŞ və Rusiyanın fəaliyyətinin də ayrıca analizini aparırlar. Amerikalı ekspert Maykl Lind "The National Interest" nəşrində dərc etdirdiyi məqalədə artıq "yeni soyuq müharibə"nin getdiyini iddia edir. Bunun üçün o, bir sıra faktlar gətirib onları təhlil edir. XX əsrin ikinci yarısında özünü göstərən "soyuq müharibə" ilə indiki situasiyanı müqayisə etməyə çalışır. Onun qənaəti belədir ki, Vaşinqton və Moskva qarşıdurmadan geri çəkilmək fikrində deyillər. İdeoloji səviyyədə də onlar toqquşurlar. Bununla razılaşmayan mütəxəssislər də vardır. Onlar müasir mərhələnin əvvəllərdən kəskin fərqləndiyi tezisini irəli sürür, Rusiyanın SSRİ-dən fərqli siyasət yürütdüyünü deyirlər. Bu səbəbdən "yeni soyuq müharibə" hələ yoxdur. Lakin gərginlik hökm sürür. Bütün bunlar Amerika-Rusiya münasibətlərinin qlobal geosiyasətə necə təsir edə biləcəyi ilə bağlı bir sıra suallar doğurur. Onlar üzərində dayanmağa ehtiyac duyulur.

Almaniyada Bundestaq seçkiləri: partiyaların nəticələri və xarici siyasətə dair mövqeləri

Almaniyada Bundestaq seçkiləri: partiyaların nəticələri və xarici siyasətə dair mövqeləri
25 sentyabr 2017

Cari ilin 24 sentyabr tarixində Almaniyada Bundestaqa seçkilər keçirildi. 19-cu dəfə keçirilən bu seçkilərdə ümumilikdə 48 partiyanın iştirakına icazə verilsə də, sonrakı proseslərdə bunlardan 6-sı iştirakdan imtina etmiş, yerdə qalan 42 partiyadan 34-ü seçkilərdə proporsional, 8-i isə yalnız majoritar qaydada iştirak edəcəklərini təsdiqləmişdir. Seçkilərdə iştirak edən partiya və koalisiyaların nəticələri, seçkilərdən sonra formalaşacaq hökumətlə bağlı ilkin proqnoz, eləcə də onların xarici siyasət kursunun analizi xüsusi maraq kəsb edir.

Avropa-Rusiya münasibətləri: Almaniyadan sensasiyalı bəyanat

Avropa-Rusiya münasibətləri: Almaniyadan sensasiyalı bəyanat
18 sentyabr 2017

Almaniyanın xarici işlər naziri Ziqmar Qabriel Avropa İttifaqı-Rusiya münasibətləri ilə bağlı sensasiya kimi qəbul edilə biləcək bəyanat verib. O, Moskva ilə Brüsselin geosiyasi əməkdaşlığa məhkum olduqlarını söyləyib. Bunun səbəbini Rusiyanın iki məqamı dərk etməsi ilə əlaqələndirib. Onlardan biri Çinin Rusiyanı supergüc kimi qəbul etməməsi, digəri isə ABŞ-ın yeni administrasiyasının Kremlin ümidlərini doğrultmamasıdır. Nəticədə, Moskva seçim etməlidir. Onun üçün ən yaxşısı isə Avropa ilə yaxınlaşmaq olardı. Məsələnin bu cür qoyuluşu qlobal geosiyasət baxımından maraqlı və düşündürücüdür. Çünki əslində burada Aİ-nin geosiyasi iddiası ortaya qoyulub. Görünür, Aİ əvvəlki kimi ABŞ-la bir yerdə olmağı artıq arzulamır. Bir qədər əvvəl kansler Angela Merkel də ifadə etmişdi ki, Avropa təhlükəsizliyini kənara etibar edə bilməz. Əgər bu xətt davam edirsə, onda alman nazir ciddi siqnal vermiş olur. Qlobal geosiyasətin hazırkı reallıqları prizmasından bu gediş nəyi dəyişə bilər?

Astana sammiti: İlham Əliyevin tarixi-konseptual tezisləri

Astana sammiti: İlham Əliyevin tarixi-konseptual tezisləri
14 sentyabr 2017

Qazaxıstanın paytaxtı Astana şəhərində İslam Əməkdaşlıq Təşkilatına (İƏT) üzv dövlətlərin elm və texnologiyaya həsr edilmiş sammiti keçirilib. İştirakçılar XXI əsrin reallıqları prizmasından müsəlman dövlətlərinin elmi-texnoloji sahədə həyata keçirəcəkləri siyasi kurs ətrafında maraqlı müzakirələr aparıblar. Tədbirdə 50-dən çox müsəlman ölkəsinin təmsilçiləri iştirak edib. Bir sıra dövlət başçıları dərin məzmunlu nitq söyləyiblər, keçirilən tədbirin tarixi və strateji əhəmiyyətini vurğulayıblar. Müsəlman ölkələrinə qarşı təxribatçı hərəkətlərin olduğu, beynəlxalq terroru İslamın ayağına yazmağa çalışıldığı, siyasi-diplomatik səviyyədə islamofobiyanın yayıldığı bir zamanda elm və texnoloji inkişafın vacibliyi xüsusi qeyd edilib. Azərbaycan Prezidenti İlham Əliyevin tədbirdəki çıxışı isə sözün həqiqi mənasında tarixi-konseptual tezislərlə zəngin olub. Onların geniş təhlili olduqca vacib məsələdir. Biz həmin tezislərin bir sıra aspektlərinə nəzər salmağa çalışmışıq.

Azərbaycana çamur atanlar: ölkə başçısının qətiyyətindən qorxurlar

Azərbaycana çamur atanlar: ölkə başçısının qətiyyətindən qorxurlar
11 sentyabr 2017

Yenə də təkrar olunur. Qərbin bir sıra KİV orqanları və üzdəniraq təşkilatları növbəti anti-Azərbaycan kampaniyasına start veriblər. Onlar əsas hədəf kimi adəti üzrə Azərbaycan Prezidenti və ailəsini seçiblər. Müxtəlif uydurma rəqəmlərdən bəhs edirlər. Hansısa gizli ödəmələrdən danışırlar. Bu zaman özlərini elə aparırlar ki, sanki "tutarlı faktlara" əsaslanırlar. Əslində isə köhnə mahnının yeni bəndlərini oxuyurlar. Hər dəfə Azərbaycan beynəlxalq aləm üçün əhəmiyyətli addımlar atdıqda, dərhal onu qısqananlar müxtəlif uydurmalara əl atırlar. Özü də onlar bunu öz marionetkaları Ermənistan rəhbərliyinin acizliyi və fəaliyyətsizliyi fonunda edirlər. Çünki son bir neçə ayda Azərbaycan beynəlxalq aləmdə çox fəal olub, amma Ermənistan gözə görünməyib. İrəvan ona-buna şikayət etməkdən və kömək üçün yalvarmaqdan başqa heç bir addım ata bilməyib. Lakin bu kimi işlər Azərbaycanı yolundan sapdıra bilməz. Bütün sahələrdə islahatlar və inkişaf sürətlə davam edəcək. Çünki xalq öz rəhbəri ilə birdir, bir tamdır. Azərbaycan cəmiyyəti müstəqil dövlətçiliyin qədrini çox gözəl bilir. Çünki zəngin tarixi təcrübəsi vardır!

ABŞ-Çin qarşıdurması: qlobal geosiyasətin qeyri-müəyyənlikləri

ABŞ-Çin qarşıdurması: qlobal geosiyasətin qeyri-müəyyənlikləri
08 sentyabr 2017

Bir sıra analitiklər Amerika ilə Çin arasında beynəlxalq nüfuz uğrunda mübarizənin təhlükəli çalarlar almağa başladığı barədə proqnozlar verirlər. Onlar bütövlükdə dünya geosiyasi mənzərəsində qeyri-müəyyənliklərin artdığı qənaətindədirlər. Həmin bağlılıqda iki böyük güc arasında rəqabətin hansı geosiyasi proseslərə təkan verə biləcəyi barədə analitik fikirlər maraq doğurur. Evan Feygenbaumun bununla əlaqədar bir məqaləsi "Foreign Affairs" nəşrində dərc edilib. Müəllif problemlə bağlı geniş təhlil verir və bir sıra ziddiyyətli məqamlara diqqət çəkir. Yazıda, ümumiyyətlə, müasir geosiyasətin mühüm məsələlərinə toxunulur. Onların geosiyasi dinamikaya təsir istiqamətləri haqqında analiz aparmaq maraqlı olardı.

Azərbaycanın xarici ölkələrdəki diplomatik nümayəndəlikləri twitterdə

Yeni layihə

Xarici mətbuat

ABD çekilirse
06 aprel 2018 Habertürk

ABD çekilirse

Çarşamba günü Astana süreci ortakları Rusya, İran ve Türkiye'nin dünyaya bir birlik ve güç mesajı verdikleri çok yazıldı çizildi.

Davamı...
The West Is Wrong About China's President
03 aprel 2018 Project Syndicate

The West Is Wrong About China's President

China's recent constitutional amendment eliminating the term limits for the president and vice president has left much of the West aghast.

Davamı...