THE THINKING OF FUTURE
BİZ DÜNYA SİYASƏTİNİN BÜTÜN SİRLƏRİNİ AÇIRIQ

General Skaparottidən xəbərdarlıq: NATO üçün yeni problemlər

General Skaparottidən xəbərdarlıq: NATO üçün yeni problemlər
16 may 2016

Şimal Alyansının Avropadakı birləşmiş hərbi qüvvələrinə may ayının 4-dən general Kertis Skaparotti rəhbərlik edir. O, bundan əvvəl Cənubi Koreyada yerləşən ABŞ qoşunlarına komandanlıq edib. Amerikalı general vəzifəsinə həyəcanlı bəyanatı ilə başlayıb. O, təşkilat üçün üç yeni təhlükənin meydana gəldiyini bəyan edib. Onlar "dirçələn Rusiya"nın dünya liderliyi iddiası, terrorçuluq və miqrasiya böhranıdır. K.Skaparottinin dedikləri sırasında terror və miqrasiya böhranı neçə vaxtdır ki, dünya üçün ciddi təhlükədir. Ancaq onların aradan qaldırılması üçün ilk növbədə Qərbin öz siyasətinə düzəlişlər etməsi lazımdır. Çünki bu iki faktor ikili standartlar siyasəti nəticəsində daha da dərinləşib. Bu səbəbdən əsas məsələ NATO-nun sözləri ilə əməllərinin düz gəlməsinə bağlıdır. "Yaxşı və pis terrorçu" bölgüsü qüvvədə qalacaqsa, uğur qazanmaq imkansızdır. O cümlədən Qafqazda erməni terroruna lazımi qiymət verilməli və qarşısı alınmalıdır.

Qlobal geosiyasi nizamın yenilənməsi: Bjezinski modelinin fərqlilikləri

Qlobal geosiyasi nizamın yenilənməsi: Bjezinski modelinin fərqlilikləri
06 may 2016

Görkəmli Amerika politoloqu Zbiqnev Bjezinskinin yeni məqaləsi dərc olunub. Məqalədə müasir dünya siyasətində baş verən proseslər təhlil edilir və bunun əsasında proqnozlar verilir. Politoloq hazırda qlobal siyasətin müxtəlif sahələri əhatə edən 5 vacib probleminin olduğunu vurğulayır. Əsas məsələ isə dünyanın yeni nizamının formalaşdırılmasından ibarətdir. Z.Bjezinskinin fikrinə görə, bu prosesə Birləşmiş Ştatlar rəhbərlik etməlidir. Yeniləşmə təşəbbüsü də məhz Vaşinqtondan gəlməlidir. Bu aspektdə Amerika Rusiya və Çin istiqamətində xüsusi siyasət yeritməlidir. Ancaq bütün hallarda ABŞ-ın liderliyi təmin edilməlidir. Bu, əvvəlki modellərə bənzəməməlidir. Belə ki, artıq təkbaşına dünyanı heç bir dövlət idarə edə bilməz. Bu səbəbdən Amerika yeni qüvvələr balansını yaratmalıdır. Bunun üçün də politoloq bir neçə təklif irəli sürür. Onların sırasında müsəlmanlara qarşı tarixi haqsızlıqların nəzərə alınması diqqəti çəkir.

Erməni diplomatiyasının qondarma qurumu tanımaq hay-küyü: pərdəarxası məqamlar

Erməni diplomatiyasının qondarma qurumu tanımaq hay-küyü: pərdəarxası məqamlar
05 may 2016

Ermənistan siyasi dairələri aprel ayının 4 günündə aldıqları ağır zərbəni kompensasiya etmək üçün dəridən-qabıqdan çıxırlar. Onlar müxtəlif səviyyələrdə absurd iddialar ortaya atmaqla, düşdükləri çətin vəziyyətdən yaxa qurtarmaq istəyirlər. Dağlıq Qarabağın "müstəqilliyini" tanımaq kimi mənasız davranışdan bəhs etmələri də bu qəbildəndir. Reallıqda buna bənzər addımların arxasında münaqişəni dondurmaq, mövcud status-kvonu saxlamaq və öz maraqlarına uyğun zamanın gəlməsini gözləmək dayanır. Təbii ki, bu cür planların ssenarisini rəsmi İrəvan kənardakı bir sıra dairələrdən alır. Hər bir halda, Ermənistan rəhbərliyinin danışıqlarla bağlı irəli sürdüyü bütün şərtlər ancaq yuxarıda vurğuladığımız məqsədə xidmət edir. Deməli, Ermənistan Azərbaycan Ordusunun çox güclü olduğunu dərk edir və müxtəlif ibarələrlə özünü məğlubiyyətdən sığortalamağa çalışır. Bu məqamda da ermənilər yanılırlar.

Asiyaya dönüş: Rusiyanın strateji hədəflərindən biri haqqında

Asiyaya dönüş: Rusiyanın strateji hədəflərindən biri haqqında
04 may 2016

Son zamanlar Qərb, Çin və Rusiya ekspertləri Kremlin Asiya ölkələri ilə daha çox əməkdaşlıq etmək xətti yeritdiyi barədə analizlər verirlər. Onlar müxtəlif ssenariləri proqnozlaşdırırlar. Bu kontekstdə diqqəti daha çox Rusiya-Avropa və Rusiya-ABŞ münasibətlərinin taleyinə yönəltməyə çalışırlar. Nikbin və bədbin məzmunlu fikirlər söylənilir. Reallıqda isə Rusiyanın Asiya istiqamətində fəallığını artırmasının başqa səbəbləri ola bilər. Bir sıra analitik və ekspertlər buna işarələr edirlər. Onlar daha geniş aspektdə məsələyə yanaşmağa üstünlük verirlər. Bu isə Moskvanın Asiyaya dönüşü məsələsinə tamamilə fərqli məzmun verir. Biz problemin həmin aspekti üzərində bir qədər geniş dayanmağa ehtiyac gördük.

Cenevrə dalanı: dünya yeni siyasi böhran ərəfəsində

Cenevrə dalanı: dünya yeni siyasi böhran ərəfəsində
02 may 2016

Bu günlərdə Cenevrədə Suriya məsələsi ilə bağlı danışıqlara başlanması dünya ictimaiyyətində bir münaqişənin həll edilə biləcəyinə inam yaratmışdı. Lakin proseslərin gedişində ortaya xeyli sayda çətinliklər çıxdı. Bunların sırasında Bəşər Əsədin taleyi və müxalifəti kimlərin təmsil edəcəyi məsələsi əsas yer tutur. Məlumdur ki, bəzi böyük dövlətlər B.Əsədin hakimiyyətdə qalmasında israr edir. Digərləri isə onun hakimiyyətdən getməsini mütləq şərt kimi qoyur. Kimlərin terrorçu, kimlərin müxalifət hesab edilməsi ilə bağlı da yekdil fikir yoxdur. Nəticədə, Suriyada silahlı toqquşmalar yenidən alovlanıb və bunun genişmiqyaslı müharibəyə çevrilməsi ehtimalı az deyil. Böyük dövlətlərin baş verənlərə münasibəti fərqlidir. Onların bir hissəsi müxalifəti, digərləri isə B.Əsədi dəstəkləməkdə davam edirlər. Bu proseslər Suriyanı haraya aparır? Böhran daha geniş geosiyasi məkana yayıla bilərmi?

Xarici siyasət konsepsiyası: qlobal təhlükəsizlik və terrorla mübarizə kontekstində

Xarici siyasət konsepsiyası: qlobal təhlükəsizlik və terrorla mübarizə kontekstində
19 aprel 2016

Rusiyanın xarici işlər naziri Sergey Lavrov ölkəsinin yeni xarici siyasət konsepsiyası hazırlamağa başladığı barədə fikir söyləyib. O, bunun prezident Vladimir Putinin göstərişi ilə edildiyini deyib. Rusiya kimi böyük bir dövlətin bu addımı atması adi hadisə deyil. Qlobal miqyasda cərəyan edən geosiyasi proseslərin məntiqi ilə bu məsələ arasında sıx bağlılıq mövcuddur. Bu haqda Sergey Lavrov da danışıb. Dünyanın yeni geosiyasi nizamının formalaşması fonunda qlobal təhdidlərin də artdığı vurğulanır. Bu sırada müsəlmanlara aid edilən radikal dini qruplar əsas hədəf kimi göstərilir. Başqa terror qrupları, məsələn, ASALA, PKK, müsəlmanları qətlə yetirən digər terror təşkilatları bu yanaşmanın kölgəsində qalır. Belə bir şəraitdə dünyanın çoxqütblü yeni arxitekturasını qurmaq mümkündürmü? Bu suala birmənalı cavab vermək çətindir. Lakin bir sıra ehtimalları və proqnozları ifadə etmək olar.

Cənubi Qafqazda yeni geosiyasi mənzərə: proseslərin dinamikası dəyişir

Cənubi Qafqazda yeni geosiyasi mənzərə: proseslərin dinamikası dəyişir
18 aprel 2016

Ermənistan ordusunun Dağlıq Qarabağda törətdiyi təxribatlardan sonra regionda yeni vəziyyət yaranmaqdadır. Hərb sahəsində sarsıdıcı zərbələr alan Ermənistan siyasi səhnədə də aciz bir duruma düşüb. Erməni diplomatiyası ortaya heç bir tutarlı arqument qoya bilmir. Onların gücü Rusiyadan küsməyə çatır. Görünür, işğalçılar hesab edirdilər ki, Moskva geniş hərbi yadım göstərəcək. Lakin Kreml təmkinli tərpənərək, Azərbaycanla münasibətlərin onun üçün böyük əhəmiyyət daşıdığını nümayiş etdirdi. Rusiya hökumət başçısının, xarici işlər nazirinin və digər yüksək vəzifəli şəxslərin regiona səfərləri bunu bir daha təsdiq etdi. Bütün bunların fonunda Azərbaycan Prezidentinin diplomatik ustalığı sayəsində regionda yeni üçtərəfli əməkdaşlıq formatları yaranıb. Ekspertlər bunu yüksək qiymətləndirir və regionda sülhün bərqərar olması, əməkdaşlığın dərinləşməsi istiqamətində vacib bir addım hesab edirlər. Bununla Azərbaycan qlobal miqyasda da öz geosiyasi mövqeyini möhkəmləndirmiş oldu.

Avropa İttifaqının 4 transformasiya ssenarisi: böyük seçim qarşısında

Avropa İttifaqının 4 transformasiya ssenarisi: böyük seçim qarşısında
07 aprel 2016

Bəşəriyyətin inteqrasiyaya daha çox ehtiyacı olduğu bir dövrdə mövcud siyasi birliklərin taleyi mütəxəssisləri düşündürür. Avropa İttifaqı (Aİ) bir zamanlar geosiyasi, siyasi-iqtisadi və mədəni aspektlərdə perspektivli bir təşkilat kimi qəbul edilirdi. Son dövrlərdə isə mütəxəssislər daha çox onun qarşılaşdığı problemlərdən danışırlar. İllərdir davam edən maliyyə böhranı, iqtisadi tənəzzül, mənəvi-əxlaqi dəyərlərin aşınması, cəmiyyətlərdə radikal əhval-ruhiyyənin artması artıq təsadüfi sayılmır. Əksinə, bu proseslərin Aİ-nin bir struktur olaraq gələcək taleyinə mümkün təsir istiqamətləri təhlil edilir. Yanaşmalar fərqlidir. Nəticələr də fərqlidir. Ancaq görünən odur ki, Aİ tarixinin ən çətin mərhələsini yaşayır. Sabah bu qurumun taleyi necə olacaq? Çətin ki, bu suala birmənalı cavab verən avropalı tapılsın. Eyni zamanda, onların həmin məsələ ilə bağlı narahatlıqları da azalmır.

Beynəlxalq terror: ikili standartlar fonunda genişlənən proses

Beynəlxalq terror: ikili standartlar fonunda genişlənən proses
31 mart 2016

2016-cı ilin mart ayı müxtəlif ölkələrdə qanlı terror hadisələrinin baş verməsi ilə yadda qaldı. Türkiyədə və Avropada həyata keçirilən və yüzlərlə günahsız insanın həlak olmasına səbəb olan hadisələr beynəlxalq terrorla mübarizə məsələsini daha da aktuallaşdırdı. Mütəxəssislər terror aktlarının arxasında duran səbəblər haqqında fikir bildirir, problemin həlli üçün konseptual çıxış yolları barədə danışırlar. Belə aydın olur ki, terror şəbəkəsi Qərbdə geniş və dərin kök salıb. Bunun əsas səbəbi Avropa ölkələrinin illərdir yeritdiyi yanlış daxili və xarici siyasətdir. O cümlədən fərqli dini inanc sahiblərinin Qərb cəmiyyətlərinə inteqrasiyasında ciddi problemlər mövcuddur. Onlar arasında işsizlik səviyyəsi yüksəkdir. Bunlardan əlavə, psixoloji olaraq müsəlmanlar orada özlərini gərginlikdə hiss edirlər. Onlar süni ayrı-seçkiliyin hökm sürməsinə etirazlarını müxtəlif üsullarla bildirməyə məcburdurlar. İkili standartlar və islamofobiya bu kontekstdə daha çox narahatlıq yaradan məqamlardır. Lakin Avropa hələ də yol verdiyi səhvləri etiraf edib, obyektiv nəticələr çıxara bilmir.

Aİ-Türkiyə zirvəsi: Yaxın Şərqdə qüvvələr nisbəti dəyişirmi?

Aİ-Türkiyə zirvəsi: Yaxın Şərqdə qüvvələr nisbəti dəyişirmi?
29 mart 2016

Baş nazir Əhməd Davudoğlunun Brüsseldə aktiv diplomatik fəaliyyəti nəticəsində müəyyən razılıqların əldə olunmasına dünya KİV-i maraq göstərib. Baş verənlər müxtəlif aspektlərdən təhlil olunur. Bir sıra mütəxəssislər Avropa İttifaqı (Aİ) ilə Türkiyənin miqrant məsələsini tənzimləmə mexanizmlərini dəqiqləşdirdiklərini vurğulayırlar. Mütəxəssislər arasında Brüsselin Ankara qarşısında təslim olduğu fikrini bildirənlər də vardır. Bunlara cavab olaraq Almaniyanın kansleri "biz balans axtarırıq", – deyə bildirib. Bir başqa dairələr əldə edilən razılıqların "Avropaya terrorçu axını"na yeni təkan verəcəyini bəyan edir. Aİ rəsmiləri isə müsbət mövqedədirlər. Onlar Aİ-yə qanunsuz köçün dayandırıldığını bildirirlər. Bütün bunların fonunda Brüssel zirvəsinin geosiyasi təsirləri məsələsi aktualdır.

Azərbaycanın xarici ölkələrdəki diplomatik nümayəndəlikləri twitterdə

Yeni layihə

Xarici mətbuat

İran-Rusya ittifakının geleceği ve Trump politikaları
13 fevral 2017 Anadolu Ajansı

İran-Rusya ittifakının geleceği ve Trump politikaları

ABD Başkanı Trump'ın işbaşına gelmesiyle ABD-Rusya ilişkilerinin düzene gireceğine dair işaretler, İran'ı yeniden hedef haline getirdi.

Davamı...
How To Address Strategic Insecurity In A Turbulent Age
03 yanvar 2017 The Huffington Post

How To Address Strategic Insecurity In A Turbulent Age

The ideal geopolitical response to the crisis of global power is a trilateral connection between the United States, China and Russia.

Davamı...