Bakı, 27 sentyabr 2020 – Newtimes.az
Ermənistanın baş naziri Nikol Paşinyan Yerevanda parlamentin iclasında Dağlıq Qarabağda yaşayan erməniləri təcili olaraq şəhər və kəndləri boşaltmağa, Ermənistan ərazisinə qaçmağa çağırıb. Virtualaz.org xəbər verir ki, bu barədə erməni KİV-ləri məlumat yayıb.
Paşinyan çıxışında bildirib ki, Azərbaycan ordusunun bu gün səhərdən başlayan hücumları şiddətlə davam edir. "Bizim hərbçilərimizin müqavimətinə baxmayaraq böyük acı hissi ilə təsdiq edirəm ki, Azərbaycan ordusu hələ də hücumu davam etdirir. İlk növbədə sizin təhlükəsizliyinizi rəhbər tutaraq dərhal yaşadığınız şəhərləri və qəsəbələri tərk etməyə, Ermənistan ərazisinə keçməyə çağırıram", – Ermənistanın baş naziri Qarabağ ermənilərinə müraciətlə bildirib.
Komik duruma düşən Paşinyan vəd edib ki, Qarabağdan qaçan ermənilər narahat olmasınlar, erməni ordusu "Azərbaycan əsgərlərini son nəfərinədək məhv edəcək və bundan sonra onlar öz evlərinə geri qayıda biləcəklər".
Paşinyanın bu bəyanatı erməni ordusunun sarsıdıcı məğlubiyyətə uğradığını təsdiq edir. Cəbhədən yeni qələbə xəbərlərini tezliklə xalqımıza çatdıracağıq!
98 il sonra: Dağlıq Qarabağın taleyi dəyişdi
SSRİ tərəfindən Dağlıq Qarabağa muxtariyyət verilməsinin növbəti ildönümündə Azərbaycan Prezidenti İlham Əliyev faktiki olaraq, muxtariyyətin ləğvi haqqında fərman imzalayıb.
Davamı...