THE THINKING OF FUTURE
BİZ DÜNYA SİYASƏTİNİN BÜTÜN SİRLƏRİNİ AÇIRIQ

Müəllif: Hatəm Cabbarlı

Armen, sənin də yerinə səs verdim, narahat olma!

2016-12-02 12:00:57

Ermənistan parlamentinin səsvermə proseduru reqlamentində edilən dəyişiklik layihəsinə görə, parlament fraksiya rəhbəri razılıq əsasında digər deputatların da yerinə səs verə bilər. Görünən odur ki, hakim Respublika Partiyası 2017-ci ilin birinci yarısında Ermənistanda keçiriləcək növbəti parlament seçkilərinə qədər özünə yumşaq meydança aramaq arzusundadır və bunu reallaşdırmaq üçün əlindən gələni edir.

Min dramlıq vergi

2016-11-25 13:55:32

Ermənistan parlamenti üç günlük müzakirədən sonra "Hərbi əməliyyatlarda yaralanan və ölən hərbçi ailələrinə kömək fondu" adlı (Min dramlıq qanun layihəsi) qanun layihəsini 17 noyabrda qəbul edib. Səsvermə zamani 102 deputat lehinə, üç deputat əleyhinə səs verib və doqquz deputat bitərəf qalıb. Maraqlıdır ki, aprel hadisələrindən sonra Ermənistan parlamentində oliqarxların qeyri-qanuni yollarla topladıqları sərvətin bir qismini ordu üçün xərcləməsi gərəkdiyi haqqında ciddi tələblər irəli sürülmüşdü. Aradan 7 ay keçmədən oliqarxların sərvətinin bir qisminin ordu üçün xərclənməsi haqqında deyil, sadə vergi mükəlləfiyyətçilərinin aylıq qazancından (maaşından) min dram (təxminən 2,5 ABŞ dolları) tutulması haqqında qanun layihəsi parlament tərəfindən qəbul edildi.

Ermənistanda istefa, yeni hökumət və perspektivləri

2016-09-16 15:08:10

Karapetyanın baş nazir postuna namizədliyi böyük bir ehtimalla Rusiya ilə də razılaşdırılıb. Rusiyaya aid beynəlxalq kompaniyada yüksək vəzifə tutan Karapetyan Qərb siyasi düşüncəsi və demokratiya anlayışına sahib olacaq biri deyil. Karapetyanın baş nazir postuna gətirilməsi Avropa və ABŞ ilə münasibətlərdə müəyyən dərəcədə soyuqluq yaranmasına səbəb ola bilər. Ermənistanın ictimai-siyasi həyatında tanınmayan, klanlararası mübarizədə iştirak etməyən, özünün böyük biznesi olmayan Karapetyanın "konsensus simvolu" və ya "Rusiyanın adamı" olub olmaması işə başlamasından 2-3 ay sonra bəlli olacaq.

Mironovun İrəvan sərgüzəşti, yaxud Ermənistanın teatr oyunu

2016-09-06 15:08:32

30 yaşlı Rusiya vətəndaşı, Sinezis kompaniyasında proqramçı işləyən Serqey Mironov məzuniyyətini həyat yoldaşı ilə birlikdə Ermənistanda keçirmək istəyib. Mironov 26 avqustda Zvartnoç hava limanında təyyarədən enib sərhəd nəzarətindən keçərkən, bu nəzarəti Rusiya hərbiçilərinin yerinə yetirməsinə baxmayaraq, çirkli pulların yuyulması və hərbi texnologiyanın qanunsuz verilməsi ittihamına görə ABŞ tərəfindən beynəlxalq axtarışa verilməsi səbəbindən saxlanılmışdır. Mironovun vəkili Karen Nersisyan İrəvan məhkəməsinin Mironova qarşı hələlik heç bir ittiham irəli sürmədiyini bildirib. Prokurorluq Mironovun müvəqqəti həbs edilməsini tələb etsə də, məhkəmə onu həbs etməmişdir. Prokurorluq məhkəmənin qərarından beş gün müddətində şikayət edə bilər və bu beş gün müddətində Mironov ölkəni tərk edə bilməz.

Ermənistanın beynəlxalq nəqliyyat problemi: tunelin sonunda işıq görünmür

2016-07-28 18:52:29

Ermənistan müstəqilliyini elan etdikdən bu günə qədər beynəlxalq nəqliyyat problemi yaşayır. Azərbaycandan keçən şimal nəqliyyat dəhlizi Ermənistanın Azərbaycan torpaqlarını işğal etməsindən sonra bağlanıb. Ermənistan şimala çıxış üçün Gürcüstan üzərindən Yuxarı Lars gömrük məntəqəsindən istifadə etsə də, siyasi, coğrafi, təbii və digər səbəblərə görə bəzi dövrlərdə bu istiqamətdə ciddi problemlərlə qarşılaşır. Yəni Yuxarı Lars gömrük məntəqəsi Ermənistanın ehtiyacını tam olaraq qarşılamır.

Ermənistanın təhlükəsizlik problemi və yeni geosiyasi reallıqlar

2016-05-11 15:11:17

Cari ilin 2-5 aprel tarixində Ermənistanın atəşkəsi kobudcasına pozularaq işğal edilmiş Azərbaycan torpaqlarında geniş miqyaslı hərbi əməliyyatlara başlamasını və nəticədə son 22 ildir əlində saxladığı bir neçə strateji yüksəkliyi itirməsini dəyərləndirmək üçün bu ölkənin atəşkəs müqaviləsini imzalamasından sonra həyata keçirdiyi daxili, xarici və təhlükəsizlik siyasətinə nəzər salmaq zərurəti ortaya çıxır. Ermənistan atəşkəs müqaviləsini imzalayandan bu günə qədər problemin sülh yolu ilə həll edilməsi prosesində konstruktiv mövqe tutmayıb. Bu o deməkdir ki, mövcud status-kvo Ermənistanı qane edirdi.

Günümüzün geosiyasi reallıqları və "Dənizdən dənizə Ermənistan" xülyası (2-4 aprel hadisələrini düşünərkən...)

2016-04-27 15:49:34

Son zamanlarda bölgə və beynəlxalq təhlükəsizlik mühitində yaşanan qırılma nöqtələrini diqqətlə müşahidə etdikdə, bu vəziyyətin digər dondurulmuş silahlı konfliktlərə bu və yaxud digər şəkildə təsir edəcəyi əsasən bəlli idi. Ermənistan-Azərbaycan Dağlıq Qarabağ münaqişəsində cari ilin aprelin 2-də Ermənistanın bütün cəbhə boyu atəşkəs rejimini kobud şəkildə pozaraq irəliləmək cəhdinin qarşısı Azərbaycan ordusu tərəfindən qətiyyətlə alındı və Azərbaycan əks hücumla mövqelərini bir neçə istiqamətdə irəliyə doğru çəkə bildi.

Ermənistanın miqrant problemində maliyyə dəstəyi hiyləgərliyi

2016-04-15 15:58:49

Suriyadan gələn ermənilərin təxmini sayının 10 mindən çox olmasına baxmayaraq, bu rəqəmi şişirdərək 20 minə çıxaran Ermənistan Avropa İttifaqı və ABŞ-dan maliyyə dəstəyi almağa çalışır. Təkcə Türkiyənin müxtəlif etnik, dini tərkibdə olan 2.5 milyon miqrant üçün dövlət büdcəsindən 10 milyard dollardan çox vəsait xərcləməsini diqqətə alarsaq, Ermənistanın maliyyə dəstəyi almaq üçün müxtəlif vasitələrə əl atması heç də əxlaqi bir davranış deyildir.

NATO-nun Cənubi Qafqazda əməkdaşlıq imkanları

2016-04-05 14:59:51

Dövlətlərin milli təhlükəsizlik siyasətindəki təcrübələri göstərir ki, bütün sahələrdə olduğu kimi, təhlükəsizlik məsələsində də konseptual və praktik olaraq bir dövlətə bağlı qalmaq kiçik dövlətin böyük dövlətdən asılılığını artırır. Belə hallarda kiçik dövlətin milli müstəqillik fəlsəfi anlayışı təhlükə altına düşür. Bunu təhlükəsizlik məsələsində Ermənistan-Rusiya münasibətlərində görmək mümkündür. Belə ki, Ermənistan-Rusiya münasibətləri iqtisadi, siyasi və hərbi nöqteyi-nəzərdən təhlil edildikdə, Rusiyanın mütləq üstünlüyü müstəvisində Ermənistanın vəziyyətini mərkəz-əyalət münasibətləri kimi xarakterizə etmək olar. Rusiyanın siyasi dairələrinin Ermənistanı "Qafqazdakı forpostumuz" adlandırması dediklərimizi bir daha təsdiq edir.

Ermənistan silahlanma yarışında Avropada birinci yerdədir

2016-04-04 15:05:04

Almaniyada fəaliyyət göstərən "Bonn International Center for Conversion" (BICC) təşkilatının hazırladığı "Global Militarisation Index" məruzəsinə görə Ermənistan Avropada ən çox silahlanmış dövlətdir. İkinci yerdə Rusiya, üçüncü yerdə isə Şimali Kiprdir. Bu silahlanma yarışında Ermənistan üç ildir ki, liderlik edir. Məruzə hazırlanarkən, əhalinin hər min nəfərinə düşən hərb çi sayı, Ümum Daxili Məhsulda (ÜDM) silahlanmaya ayrılan xərclər, hərbi xərclər, səhiyyə xərcləri, ordunun say tərkibi və ağır silahların sayı nəzərə alınmışdır. 2007-2009-cu illərdə Ermənistan dünya üzrə silahlanma yarışında 8-ci yerdə, 2012-2014-cü illərdə 4-cü yerdə, 2013-cü ildə isə 3-cü yerdə olmuşdur.

Azərbaycanın xarici ölkələrdəki diplomatik nümayəndəlikləri twitterdə

Yeni layihə

Xarici mətbuat

Türkiye-Azerbaycan: Savunma iş birliğinden askeri ittifaka
03 noyabr 2017 Anadolu Ajansı

Türkiye-Azerbaycan: Savunma iş birliğinden askeri ittifaka

Türkiye ile Azerbaycan arasındaki kardeşlik bağları Güney Kafkasya stratejik dengesini değiştirecek bir askeri ittifak haline gelmiş durumda.

Davamı...
Баку-Тбилиси-Карс оставляет Армению вне игры?
30 oktyabr 2017 Regnum

Баку-Тбилиси-Карс оставляет Армению вне игры?

«Армения становится тысячелетней слепой совой, сидящей на высоком камне на перекрестке больших дорог»

Davamı...